އޮއިވާލި ދާ
އޮއިވާލިގެ ގޮތުގައި ރާއްޖޭގެ ކަނޑުތަކުން ކުރިން ފެންނަމުން ދިޔައީ ބޮޑެތި ލަކުޑިބުރިއާއި ބިޔަގަސްގަހުގެ ބުޑެވެ. މިފަދަ އޮއިވާލިތަކަކީ މަސްވެރިންނަށް ވަރަށް ފައިދާހުރި، ބޭނުންހިފޭ އެއްޗެސެވެ. އެގޮތުން މިތަކެތީގެ ނިވަލުގައި ރައްކާތެރިކަން ހޯދާގެން ދަތުރުކުރާ ެބޮޑެތިމަސްއައިންތައް ހޯދުމަށް މަސްވެރިން އޮއިވާލިއަށް ބަލާގެން ދުއްވައެވެ. އަދި އޮއިވާލިތައް ދޮށުން ހައްސަބާނާެެއެެެެެެވ.
ނަމަވެސް މިއަދު އޮއިވާލީގެ ގޮތުގައި ކަނޑުމަތިން ފެންނަމުންދަނީ ބޮޑެތި ޕުލާސްޓިކް ދާގަނޑު ގަނޑެވެ. އަދި އެތަކެއް ހާސް މަސްމަހާމެހި މީގެ ޝިކާރައަކަށް ވެގެންދާ މަންޒަރެވެ. ރާއްޖޭގެ ސަރަހައްދުން ފެންނަ ދާގަނޑުތަކުން މަރުވެ، ކުނިވެފައިވާ މިޔާރާއި ވެލާކަހަނބުތައް ފެނުމަކީ މިއަދު ވަރަށް އާންމުކެމެވެ. މިދާގަނޑުތަކީ އިންޑިއާ، ސިރީލަންކާ އަދި ބަންގާޅު ހިސާބުގެ މަސްވެރިން މަސްހިފުމަށް ބޭނުންކުރާ ދަލުގެ ތެރެއިން، ހަލާކުވުމުން ކަނޑަށް ދޫކޮށްލާ ތަކެއްޗެވެ. އޮޔާ ވަޔާއެކު މިތަކެތި ކަނޑުގައި އެތަކެއްދުވަސް ވަންދެން ދެމެމުން .އައިސް ރާއްޖޭގެ ފަރުތަކުގައި ހައްޔަރުވެއެވެެ. އަދި އޭގައި އޮޔައެޅުމުގެ ސަބަބުން ފަރުތަކުގެ މުރަކަތައް ހަލާކުވެ، ވެލާ ކަހަނބު މީގެ ޝިކާރައަކަށް ވެގެންދެއެވެ.
އޮއެވާލި ދަލާކީ މިއަދު ރާއްޖޭގެ ކަނޑުގެ ދިރުންތަކަށް ދިމާވެފައިވާ އެންމެ ބޮޑި އެއްބިރެވެ. ހާއްސަކޮށް ވެލާ ކަހަނބާ، އެންމަޑި އަދި މިޔަރުތަކަށް މީގެ ބިރުވެރިކަން ވަރަށް ބޮޑެވެ. މިފަދަ ދާގާނޑެއް ކަނޑުމަތިން ފެނިްޖެނަމަ، އޭގާއި ވޭލާކަހަނބު ހައްޔަރުވެފައިވޭތޯ ބަލާށެވެ. އަދި ވެލާކަހަނބު ހައްޔަރުވެފައިވާނަމަ، ވެލާކަހަނބު ސަލަމާތްކުރުމަށްފަހު ދާގަނޑު ހިކިފަސަތާކަށް އަރުވާށެވެ. ނަމަނަމަ އަލުން އަނބުރާ ކަނޑަށް އެއްލާނުލާށެވެ. ކަނޑަށް އެއްލާލުމުން އަނެއްކާވެސް ކަނޑުގެ އިތުރުދިރުންތައް މީގެ ޝިކާރައަކަށް ވެގެންދާނެއެވެ. މިފަދަ ދާގަނޑެއް ފެނިއްޖެނަމަ އޭގެ މަޢުލޫމާތު ފޮޓޯއާއެކު “އޮލިވްރިޑުލީ ޕުރޮޖެކްޓް” އާ ހިއްސާކޮށްލަދޭށެވެ. ކަނޑުގެ ދިރުންތައް ހިމާޔަތްކުރުމަށް އެމީހަކަށް ވެވުނު މިންވަރަކުން އެހީތެރިވެދޭށެވެ. ދިވެހި ކަނޑުތައް ހިމާޔަތްކުރުމަކީ ކޮންމެ ދިވެއްސެއްގެ ޒިންމާއެކެވެ.
އޮލިވްރިޑްލީ ޕުރޮޖެކްޓަކީ މިފަދަ ދާތަކުން ވެލާކަހަނބަށް ލިބޭ ގެއްލުންތަކާ ބެހޭގޮތުން މަސްވެރިން ހޭލުންތެރިކޮށް، ކަނޑަށް އުކާލާ ދާގަނޑުތަކުގެ މިންވަރު މަދުކުރުމަށް ހިލޭސާބަހަށް މަސައްކަތްކުރާ ޖަމިއްޔާއެކެވެ. އެގޮތުން ރާއްޖެ އާއި ޕާސްކިތާނުގެ މަސްވެރިންއުޅޭ ސަރަހައްދުތަކުގައި ހޭލުންތެރިކަން އިތުރުކުރުމަށް އެތަކެއް މަސައްކަތްތަކެއް ކުރުމުގެ އިތުރުން، ރާއްޖޭގެ ސަރަހައްދުން ފެންނަ،އަނިޔާލިބިފައިވާ ވެލާކަހަންބަށް ފަރުވާދޭ މަރުކަޒެއް ބ.ދުނިކޮޅު ރިޒޯޓްގައިވަނީ ގާއިމުކުރެވިފައެވެ. އަދި އެތަކެއް ވެލާކަހަނބަށް ފަރުވާދިނުމަށްފަހު ވަނީ އަލުން އަނބުރާ ކަނޑަށް ދޫކޮށްލެވިފައެވެ.
